Follow NOTICIAS
Simposio Internacional de Educación Musical e Materiais Didácticos
- Detalles
- Escrito por Administrador/a 3
- Visitas: 0
O Grupo de Investigación Stellae e a IARTEM organizan o Simposio Internacional de Educación Musical e Materiais Didácticos que terá lugar en Santiago de Compostela os días 24 e 25 de xaneiro de 2019 na facultade de Ciencias da Educación (Campus Vida).
A proposta de levar a cabo este Simposio xorde da necesidade de dar visibilidade ás investigacións educativas arredor dos materiais musicais, coa finalidade de ofrecer un espazo común para o debate a todo o profesorado e persoal investigador que sente inquedanza pola temática.
O prazo para o envío de comunicacións está aberto e finaliza o 30 de outubro. As principais liñas de investigación son:
- Análise das aplicacións informáticas abertas e pechadas: a súa utilidade práctica na educación musical
- Libros de texto e materiais didácticos en educación musical
- Formación docente e práctica educativa para o coñecemento, uso e valoración dos materiais didácticos en educación musical
- Deseño dos materiais didácticos e musicais
- Selección, avaliación e definición dos materiais didácticos e musicais
- Estándares dos materiais didácticos musicais e docencia
- Punto de vista histórico en relación aos materiais didácticos e musicais
Esta actividade ten solicitado o recoñecemento de horas de formación para o profesorado polo Ministerio de Educación e Formación Profesional.
Máis información na páxina web do Simposio: http://stellae.usc.es/me-dm-symposium/gl/simposio/
Almudena Alonso-Ferreiro e Ana Rguez Groba participan no Congreso Europeo ECER
- Detalles
- Escrito por Administrador/a
- Visitas: 8
Almudena Alonso-Ferreiro e Ana Rodríguez-Groba participaron, a semana pasada, no Congreso Europeo de Investigación en Educación - ECER ( European Conference of Educational Research) organizado pola Asociación Europea de Investigación Educativa (EERA).
O evento tivo lugar en Bolzano (Italia) e reuníronse ao redor de 3000 participantes de todo o mundo.
Nesta ocasión presentáronse catro comunicacións correspondentes con diferentes proxectos de investigación e tese desenvolvidas dentro do Grupo de Investigación Stellae.
Podes acceder ás comunicacións picando nas ligazóns que sinalamos a continuación:
- Analysing University Students’ Self- Regulated Learning in Virtual Learning Environments. Biographic Influences. (Ana Rodríguez Groba, Adriana Gewerc, Esther Martínez-Piñeiro) https:// eera- ecer.de/ ecer- programmes/ conference/23/ contribution/46132/
- Teachers’ Perceptions About 1:1 Policies in Galicia (Almudena Alonso-Ferreiro, Fernando Fraga-Varela) https:// eera- ecer.de/ ecer- programmes/ conference/23/ contribution/44870/
- Teachers’ knowledge and beliefs about Educational Technology in the EHEA: A case study at the University of Santiago de Compostela (Ana Rodríguez-Groba, Fernando Fraga-Varela) https:// eera- ecer.de/ ecer- programmes/ conference/23/ contribution/44975/
- Peer Group, Key In The Children’ s Dixital Competence (Almudena Alonso-Ferreiro,Ana Rodríguez-Groba, Adriana Gewerc) https:// eera- ecer.de/ ecer- programmes/ conference/23/ contribution/44709/
O evento serviu para dar a coñecer as investigacións desenvolvidas polo grupo e coñecer de primeira man proxectos desenvolvidos noutros países do mundo.