Despacho: 47

Extensión: 13843

 ORCID: 0000-0003-4194-2574

 Dialnet: https://dialnet.unirioja.es/servlet/autor?codigo=701794

E-mail: Este enderezo de correo está a ser protexido dos robots de correo lixo. Precisa activar o JavaScript para velo.

Dirección: Rúa Xosé María Suárez Núñez. (C.Sur) 15782 Santiago De Compostela (A Coruña)

Traxectoria Profesional:

 

É mestre e pedagogo e na actualidade desempeña a súa función docente como Profesor Titular do Departamento de Didáctica e Organización Escolar (Universidade de Santiago de Compostela). Imparte docencia nas materias de Deseño e Avaliación de Materiais Didácticos e Experiencias e Recursos en Educación Social. É Doutor en Ciencias da Educación coa Tese "Os materiais curriculares impresos e a Reforma Educativa en Galicia", coa que obtivo un dos Premios Nacionais de Investigación Educativa na convocatoria 2000-2002.


O seu campo de traballo preferente céntrase nos materiais e recursos didácticos tanto en formato impreso como dixital. As súas publicacións, cursos, conferencias, actividades de formación, así como os proxectos de investigación que dirixe e dos que forma parte inscríbense neste campo. Participou en diversos grupos de traballo interdisciplinares na comunidade galega, elaborando materiais para centros educativos, municipios, asociacións e escolas rurais.


Impulsou os Premios EducaCompostela de Recursos Educativos a través dos que se pretende dar recoñecemento aos materiais educativos que polo seu valor e interese poden contribuír ao desenvolvemento educativo de Galicia, favorecendo a innovación, a calidade na educación e a renovación pedagóxica. Participou en proxectos e impartiu conferencias e seminarios relacionados con esta temática a nivel nacional e internacional. Ademais dos temas relacionados cos ámbitos mencionados, actualmente dedícase ao estudo do significado dos materiais en contextos sociocomunitarios e na escola rural. Forma parte de Ribeter (http://ribeter.org/) (Rede Iberoamericana de Educación en Territorios Rurais).

 

É membro do Movemento de Renovación Pedagóxica "Nova Escola Galega", Director da Revista Galega de Educación e Membro do Grupo Cavila (Grupo de Investigación de materiais educativos-Nova Escola Galega). No ano 2015 foi nomeado Colexiado de Honra polo Colexio de Educadoras e Educadores Sociais de Galicia. Forma parte do grupo de traballo de Nova Escola Galega que organiza anualmente o Seminario Internacional de Avaliación de Materiais Didácticos e as xornadas sobre os materiais didácticos en Galicia (http://www.nova-escola-galega.org/).

Actualmente é presidente da IARTEM (www.iartem.org) (International Association for Research on Textbooks and Educational Media).