Onte, 25 de abril, Ana Rodríguez Groba defendeu a tese doutoral Enseñanza con redes sociales y aprendizaje autorregulado: un estudio de caso en la universidad, baixo a dirección de Adriana Gewerc Barujel e Esther Martínez Piñeiro.
A investigación propón identificar, describir e comprender os procesos de aprendizaxe autorregulado que o alumnado universitario pon en marcha nunha materia que combina o escenario presencial co uso dunha rede social vertical no ensino.
Os resultados máis significativos aluden á motivación en ambos escenarios; a influencia das habilidades de autorregulación coas que o alumnado chega á universidade; como se adaptan aos contidos, estratexias e propostas ás que non se enfrontaron previamente; e perfilan o rol docente como fundamental.
A tese obtivo a calificación de sobresaínte cum laude polo tribunal conformado por Lourdes Montero, catedrática emérita da Universidade de Santiago de Compostela; Antonio Moreira Teixeira, profesor da Universidade Aberta (Portugal); e Jesús Valverde Berrocoso, da Universidade de Estremadura.