O 7 e 8 de xullo do 2022 terá lugar en modalidade híbrida, na Universidade de Santiago de Compostela (USC), o Obradoiro Internacional de Análise do Discurso (dC IWoDA'22) baixo o tema: Tecnoloxías Dixitais e o Gaming: Implicacións e Aplicacións para o uso da lingua, o ensino e a aprendizaxe. As sesións presenciais celebraranse no salón de actos da Facultade de Filoloxía da USC mentres que as sesións en liña terán lugar a través de Teams.

Un encontro multidisciplinar de aprendizaxe entre académicos/as, profesionais e interesados/as para promover a investigación e a práctica sobre o discurso e as propiedades da linguaxe desde miradas plurais con estudos de caso, ferramentas e metodoloxías dos temas abordados. Cun amplo percorrido en edicións previas (2011), 2013, 2015, 2016 e 2018) o IWODA é organizado polo equipo de lingüística SCMITAR dentro do grupo de investigación Discurso e Identidade da USC, xunto co Grupo de Investigación Stellae da USC e outros como LITLINAL, ENTELEARN e MuStE. Na súa organización participan dous membros do Grupo de Investigación Stellae: Adriana Gewerc, parte do Comité Científico e Boris Vázquez Calvo, integrante do Comité Organizador como community manager. Ambos os dous serán coordinadores dos paneis Políticas educativas, internacionalización, sustenbilidade e sociedade e gaming e videoxogos: Tendencias e retos, respectivamente, xunto con outros académicos/as.

As ponencias enmárcanse nas seguintes liñas:

• Políticas educativas, internacionalización, sustenbilidade e sociedade.
• Contornos dixitais e alfabetizacións: deseño, testeo e avaliación
• Gaming e videoxogos: Tendencias e retos

Na páxina web teñen dispoñible toda a información: https://iwoda.es/