Continuamos traballando no proxecto: “Competencia dixital en estudantes de educación obrigatoria. Contornas socio-familiares, procesos de apropiación e propostas de e-inclusión” (CDEPI).

O devandito proxecto pretende contribuír ao coñecemento sobre a competencia dixital dos estudantes en ensino obrigatorio, e a posible relación que a súa aprendizaxe pode ter nos procesos de inclusión social.

Actualmente, atopámonos no proceso de recollida de información por medio de entrevistas aos distintos suxeitos implicados -nenos e nenas-, así como a todos aqueles con quen comparte a súa vida diaria (familia, titores/as no centro escolar, etc.).

Toda esta información será analizada ao longo das próximas semanas, co fin de establecer posibles indicadores acerca da competencia dixital dos participantes.

Para máis información sobre o proxecto CDEPI: http://stellae.usc.es/cdepi/?lang=é