imprimir

O 1 de Xuño de 2017 ás 17:00 horas, Daniel Saur Moyano da Universidade Nacional de Córdoba (Arxentina) impartirá a conferencia que leva por título: “Investigación educativa. Posicionamento, teoría, problema de investigación e produción do coñecemento”. Esta conferencia, organizada polo Grupo de Investigación Stellae, terá lugar na Facultade de Ciencias da Educación (Campus Vida), na aula Frei Martín Sarmiento.

O profesor Daniel Saur Moyano é Doutor en Ciencias con especialidade en investigacións educativas. A súa liña de investigación é a Educación Superior no discurso mediático desde a perspectiva de análise política de discurso. Traballa no Centro de Investigacións da Facultade de Filosofía e Humanidades da Universidade Nacional de Córdoba (Arxentina).