Please enable JS
  • slider21.jpg

Publicouse o monográfico "Desenvolvemento do Coñecemento Profesional na Formación Inicial de Mestres", da “Revista Currículo e Formación do Profesorado" (Vol. 21, Nº1). Coordinado por Lourdes Montero e Esther Martínez Piñeiro, do grupo de investigación Stellae e Maite Colén da Universidade de Barcelona. [Ligazón: https://recyt.fecyt.es/index.php/profesorado/issue/view/3068]

O monográfico da conta do Proxecto "Desenvolvemento do coñecemento profesional a través do plan de estudos do grao de mestre en Educación Primaria. Perspectivas do alumnado e o profesorado" financiado polo Ministerio de Economía e Competitividade (EDU2012-39866-C0-01 y 02), levado a cabo pola Universidade de Santiago de Compostela e a Universidade de Barcelona.

Algúns dos artigos que poderedes atopar neste número son:

DEMANDAS SOCIAIS E FORMACIÓN INICIAL DO PROFESORADO: UN CANELLÓN SEN SAÍDA? - María-Helena Zapico-Barbeito, Esther Martínez Piñeiro, María Lourdes Montero Mesa https://recyt.fecyt.es/index.php/profesorado/article/view/58051

INFLUENCIAS DO PLAN DE ESTUDOS DO GRAO DE MESTRE DE PRIMARIA NO COÑECEMENTO PROFESIONAL DO PROFESORADO. O CASO DA UNIVERSIDADE DE SANTIAGO DE COMPOSTELA - Adriana Gewerc, Almudena Alonso Ferreiro  https://recyt.fecyt.es/index.php/profesorado/article/view/58047

DILEMAS E DESAFÍOS DA TECNOLOXÍA EDUCATIVA NO EEES: PERCEPCIÓNS E CRENZAS DE FUTUROS MESTRES- Ana Rodríguez Groba, Fernando Fraga  https://recyt.fecyt.es/index.php/profesorado/article/view/58055

 

Entre os obxectivos da investigación destacan:

1. Indagar nas percepcións de formadores e estudantes sobre os coñecementos profesionais construídos no desenvolvemento dos plans de estudo do Grao de Mestre en Educación Primaria e a súa influencia na configuración da súa identidade docente.

2. Coñecer as perspectivas de estudantes e formadores sobre as relacións entre teoría e práctica que se producen no plan de estudos.

3. Analizar en que medida o proceso de construción dos coñecementos profesionais responde ás novas demandas do EEES.

4. Comparar semellanzas e diferenzas nas percepcións dos implicados -alumnado e formadores- pertencentes a contextos institucionais distintos.

5. Analizar a evolución das perspectivas e expectativas profesionais dos futuros mestres sobre os coñecementos profesionais adquiridos, principalmente os vinculados coas demandas da sociedade do coñecemento