imprimir

A Facultade de Ciencias da Educación da USC acolle esta fin de semana (27 e 28 de maio) a III Reunión Científica de Investigadores/as Noveis do Programa de Doutoramento Interuniversitario en “Equidade e Innovación en Educación”. Ao acto, organizado polos estudantes de doutoramento, co apoio do seu coordinador na USC Felipe Trillo Alonso, asistirán un total de 100 persoas entre profesorado e alumnado das distintas Universidades que participan no programa: A Coruña, Cantabria, Oviedo, Vigo e a propia USC. Durante a xornada abordaranse temas relacionados coa inclusión e exclusión socioeducativa e coa innovación e equidade en educación. Ademais, no marco da actividade, terá lugar o Seminario - “Investigación sobre desigualdades educativas e sobre as decisións clave para afrontalas” - a cargo do Prof. Dr. Juan Manuel Escudero Muñoz, Catedrático de Didáctica na Universidade de Murcia e Doctor Honoris Causa pola Universidade de Santiago de Compostela.

Neste evento participarán varios membros do grupo Stellae: Almudena Alonso e Fernando Fraga que participan como poñentes e Virginia Rodés e Nerea Rodríguez que forman parte do comité organizador.

Ademáis, este doctorado foi antigamente coordinado por Lourdes Montero, membro do grupo Stellae.