O desenvolvemento comunitario, o diálogo interxeracional e a promoción do avellentamento activo, son algúns dos resultados que a investigadora Lucía Abarrategui presentou o pasado decembro do 2022 con motivo da defensa da súa tese de doutoramento.
Hoxe, o xornal da USC fai eco desta investigación, que avaliou o proceso de creación dun espazo radiofónico onde, tanto alumnado do CEIP de Barouta como persoas maiores da zona, abordaron aspectos sobre o patrimonio cultural . Entre as principais conclusións da investigación titulada: ‘A radio como recurso para a promoción da educación interxeracional, o avellentamento activo e a inclusión sociocomunitaria’ despréndese que a iniciativa permitiu romper estereotipos, mellorar as relacións entre persoas mozas e maiores, potenciar o envellecemento activo e motivar a aprendizaxe
Radio sen Idade, CEIP Barouta (A Coruña)
Con esta tese, Lucía Abarrategui xunto co seu titor Jesús Rodríguez e titora Helena Zapico (membros do Grupo de Investigación Stellae), constatan que a radio supón unha oportunidade para o diálogo entre xeracións e a promoción dunha sociedade para todas as idades.