Raúl Eirín Nemiña

Diplomado en Profesorado de EXB, Licenciado en Filosofía e Ciencias da Educación e Doutor en Pedagoxía pola Universidade de Santiago de Compostela. A miña experiencia profesional comeza no corpo de profesores de EXB, como especialista en Educación Física, no que durante dez anos desempeño o meu labor docente no ensino Primario e Secundaria Obrigatoria. Desde o ano 2000 exerzo o labor de asesor nas estruturas de formación do profesorado en exercicio da administración educativa (CFR). Colaboro en varios proxectos escolares europeos relacionados coa introdución das TIC, as relacións entre escola e comunidade, e a formación de profesores en servizo. Participei en varios congresos nacionais e internacionais relacionados coa didáctica da educación física. Os meus intereses e publicacións oriéntanse cara o desenvolvemento profesional dos profesores, especialmente de educación física e, en xeral, cara aos procesos de mellora e innovación na escola.