Eulogio Pernas Morado

Mestre e licenciado en Filosofía e Ciencias da Educación, na Sección de Ciencias da Educación no ano 1991. Actualmente exerce o seu labor docente como Profesor Titular de Escola Universitaria do Departamento de Pedagoxía e Didáctica (Área de Didáctica e Organización Escolar) da Universidade de Santiago de Compostela.

Imparte, na Facultade de Ciencias da Educación da USC, a materia “Escola, comunidade e TIC" (no Grao de Mestre en Educación Primaria) e “Procesos de Mellora e usos das TIC” (no Grao de Mestre en Educación Infantil).Impartiu tamén outras materias, como: "Intervención con Medios de Comunicación Social” na Titulación de Pedagoxía e “Medios e Recursos Didácticos” na de Psicopedagoxía.

É Director da revista Innovación Educativa, editada conxuntamente polo Área de Didáctica e Organización Escolar e o ICE, e publicada polo Servizo de publicacións e intercambio científico da USC. Autor de diversos artigos, libros e outras publicacións sobre temas focalizados nas novas tecnoloxías aplicadas á educación, contornos virtuais de ensino e aprendizaxe e medios e recursos didácticos.

Participa activamente nas investigacións que o Grupo de Investigación Stellae desenvolve en diferentes ámbitos, colaborando tanto nos proxectos de investigación a nivel nacional como nos de nivel internacional.