Novo videotutorial: Cartafol Electrónico do proxecto Pietic
Posted by PIETIC on martes 20 octubre 2009 - 10:15:19

O grupo stellae ven de presentar con este vídeo o seu novo Cartafol Dixital.

 
 
Unha rede social de ensino é aprendizaxe, na que se integran diferentes ferramentas tales como blogs, calendarios, páxinas, perfís...

O video é o primeiro dun grupo de tutoriais para os entornos nos que estamos a traballar. A súa elaboración foi posible gracias á colaboración de Pablo Becerra, quen realizou unha estancia na nosa universidade como parte do convenio de traballo colaborativo que realizamos coa Universidade Nacional de Córdoba dentro da REDE UNISIC.

Enviar mail a alguien modo impresión

Manual de Drupal 1.0
Posted by PIETIC on martes 16 junio 2009 - 17:31:04

Druplicon.gif

No marco do proxecto Pietic presentamos o Manual de Drupal 1.0, unha ferramenta de xestión de contidos  (CMS, Content Management System),  que utilizan os centros educativos da nosa comunidade na elaboración das súas páxinas web.  
Drupal é un software que unido a unha base de datos e instalado a un servidor, permite a creación dun sitio web dinámico  no que é moi sinxelo participar e aportar información en forma de texto, imaxe, e ata audio e vídeo.
A través desta ferramenta o profesorado centra o seu traballo no uso educativo do espazo web, deixando de lado os aspectos técnicos que teñen que ver co mantemento e actualizacións…
Sen embargo, o desenvolvemento dun portal educativo sempre precisa  de  axuda  e  orientación. Este material pretende  ser un  apoio  ao  traballo  que  realiza  o profesorado para apropiarse dunha ferramenta que permita e posibilite tanto a comunicación  interna  como  a  súa  proxección  externa  cara  a  toda  a comunidade.
Entendemos que o presente documento non é un produto  final. É susceptible de  revisións  co  paso  do  tempo,  xa  que  como  todo  na  vida,  o  software evoluciona, pero tamén as necesidades dos centros. De aí a denominación que usamos, v 1.0, tan técnica, pero que abre irremediablemente o camiño cara ao cambio.

Xa está activo o enlace á descarga na sección de recursos.

Enviada por PIETIC [/html]

Enviar mail a alguien modo impresión

Portal de traducións do Grupo Stellae
Posted by PIETIC on mircoles 04 febrero 2009 - 12:57:46

Acabamos de activar na parte superior dereita de esta páxina un enlace dirixido ao Repositorio de Traducións do Grupo Stellae.
Aí aparece reflectido a nosa labor na tradución ao galego e castelán de moitos dos software que utilizamos habitualmente no traballo diario do proxecto.
Cabe destacar a tradución ao galego de algún software moi interesante desde unha perpectiva do coñecemento constructivista, phun e squeak, para facilitar e promover o seu uso na Comunidade Autónoma de Galicia. Pero tamén hai outras  ferramentas útiles en ensino, como é o caso do ELGG, Door, Superswiki2… As traducións están dispoñibles para a súa descarga. As últimas activadas son
  -ELGG 0.9 ao galego (pluggin folio, calendario, categorías, craptcha, nube de tags).
  -ELGG 0.9 ao castelán.
  -Squeak ao galego.
  -Squirrelmail ao galego.
  -Door ao galego.
Cedo activaremos a tradución do e107  e do nsis ao galego, que se atopan en proceso de revisión final.



Enviar mail a alguien modo impresión

Novo instalador Phun Pietic
Posted by PIETIC on viernes 09 enero 2009 - 12:14:09

Xa está dispoñible a nosa instalación Phun Pietic, na súa versión 4.22, que  podemos descargar aquí ou ben desde a zona de recursos, na parte de Phun Pietic .  A mesma  foi elaborada co consentimento dos creadores do software.

Tamén actualizamos na web oficial de Phun a tradución en galego correspondente con esta versión.
Esta instalación, ademais de estar en galego, incorpora algún proxectos interesantes desde un punto de vista educativo.
Non vos esquezades que temos un titorial a vosa disposición, aínda que non corresponde á nova versión, senón a versión 3.5. Xa estamos a preparar un novo titorial adaptado á versión actual e que incorpore algún exemplo de uso nos centros educativos.
Recordamos que na web oficial de Phun hai toda unha chea de escenas. En youtube tamén se poden atopar vídeos como o seguinte, algúns deles titoriais, que poden servir de axuda na elaboración de modelos.

Enviar mail a alguien modo impresión

Material de axuda para a publicación de noticias no portal
Posted by PIETIC on viernes 19 diciembre 2008 - 10:51:49


drupal.jpg

Engadimos á sección de recursos do portal, no apartado correspondente, dous documentos que pretenden dar algunhas indicacións á hora de publicar unha noticia en Drupal, software libre co que se xestionan actualmente os portais dos centros educativos dependentes da Consellería de Educación. Aproveitamos para dicir que esta sección está en continua actualización, engadindo moitos materiais.
 
Por un lado, temos o Resumo de pasos para a publicación de noticias en Drupal. O documento consta de cinco ideas básicas explicadas de maneira sinxela que nos orienten de xeito secuencial na publicación. Estas ideas son: Ter permisos para publicar
Saber o que imos publicar
Editar a noticia
Engadir imaxes á noticia
Publicar a noticia

Seguindo estes pasos cumpriremos os requisitos para publicar. Sen embargo trátase de cinco ideas básicas que non ofrecen detalle algún sobre outros aspectos de Drupal. Para iso, publicaremos proximamente un titorial que abarcará toda a funcionalidade do mesmo.
Pola outra banda, elaboramos O material de axuda para reducir o tamaño das imaxes: Picasa. A finalidade é que as imaxes que publicamos nas noticias non sexan excesivamente pesadas, de aí a necesidade de tratar este aspecto con algún software como Picasa.  Como consecuencia as imaxes cargarán máis rápido.

Aínda que se poden utilizar outros software para esta tarefa, este é sinxelo e rápido de usar.

Enviar mail a alguien modo impresión

O Proxecto PIETIC no Congreso A Fenda Dixital
Posted by PIETIC on lunes 15 diciembre 2008 - 07:52:53

 O pasado día 21 de Novembro, o Grupo de Investigación Stellae, representado por Fernando Fraga, participou no II Congreso Ibérico A Fenda Dixital. Nesta ocasión, o congreso tiña por título A fenda dixital: as TIC, entre a escola e a comunidade, e neste sentido desenvolveuse precisamente a nosa participación.

Na sección de experiencias, mostramos parte do traballo que estamos desenvolvendo no Proxecto PIETIC, centrando a nosa participación nas diferentes posibilidades de configuración dos portais de centro como elementos crave para o desenvolvemento de vínculos coa comunidade e a súa proxección nas redes de comunicación. Co software que hoxe en día soporta estas estruturas, os portais de centro son, sen dúbida, elementos cun enorme potencial para a construción de espazos virtuales adaptados ás necesidades concretas de cada centro e por esta cuestión precisan dun traballo específico no proxecto.

fenda_dixital_2.jpg


Enviar mail a alguien modo impresión

Mellorando MOREA
Posted by Emma Suárez on viernes 28 noviembre 2008 - 20:09:10

Nestas últimas semanas levamos a cabo diversas modificacións no repositorio MOREA, modificacións coas que pretendemos facer o noso repositorio máis sinxelo e intuitivo.

Entre estas modificacións cabe destacar:

Xa podemos, dende calquera plataforma importar manualmente os obxectos descargados de MOREA (co formato IMS).  Ata ó de agora isto só era posible instalando un plugin adicional no moodle, o que limitaba a súa utilidade.

Incluiuse a posibilidade de buscar obxectos especificando una “idade aproximada?, co que pretendemos facer as buscas máis efectivas, xa que consideramos que é un dos criterios maís representativos á hora de procurar materiais moreaidade.jpg

Incluimos unha etiqueta específica para materiais de pizarra dixital (sección “palabras clave?), polo tanto, se marcamos esta etiqueta, todolos materiais que imos atopar, serán materiais específicos para empregar nestas pizarras

Tamén se incluiron, na sección de busca, unhas  iconas con forma de colector, que nos permiten eliminar algún dos criterios de busca de forma sinxela. Isto é especialmente útil no caso de que a busca que estamos a facer nos devolva poucos ou ningún resultado.
moreabusca.jpg

Tamén arranxamos certos problemas que tiñamos na versión en castelán, polo que xa temos o repositorio totalmente funcional en galego, castelán e inglés

Enviar mail a alguien modo impresión

Phun en galego
Posted by PIETIC on viernes 14 noviembre 2008 - 12:25:27

Xa finalizamos a tradución de phun ao galego, e xa está subida á páxina  do software. Así que si queredes, ben desde a zona de recursos ou desde a páxina oficial do Phun, podedes baixar o arquivo de tradución para engadilo ao programa, sempre que xa o teñades instalado.
Para poñer o galego como idioma seguiremos os seguintes pasos:

Descargar o arquivo galego.cfg.
Gardar o arquivo e mover o mesmo dentro da carpeta de phun (languages), que pode estar situada en distintos sitios. Polo xeral; c:\archivos de programa\phun\data\languages. Logo teremos que abrir phun, e en archivo cambiar o idioma ao galego.
En estes momentos estamos en contacto cos creadores para pechar a posibilidade do instalador en galego, incorporando o mesmo como idioma predefinido e proxectos desde unha perspectiva máis educativa.

phunpietic.jpg


Enviar mail a alguien modo impresión

Novo instalador USCSqueak
Posted by PIETIC on mircoles 12 noviembre 2008 - 09:52:34

squeak3.jpg


Acabamos de colocar no apartado de Recursos do Proxecto Pietic unha nova versión do USCSqueak . Este instalador precisa ter previamente instalado o navegador Firefox. Rematada a instalación, moito máis rápida que co instalador anterior, teremos un plugin que permitirá ver desde o navegador os proxectos do Repositorio de Squeak, así como modificar e elaborar unha nova versión do proxecto sen sair da web. Compre sinalar que o menú engadido na zona superior permite un completo manexo desde o Encerado Dixital, sen necesidade de usar teclado ou rato, aumentando as súas posibilidades con todos os dispositivos que se empregan nos centros e facilitando o seu uso desde Ed. Infantil.

Enviar mail a alguien modo impresión

PHUN PIETIC
Posted by PIETIC on mircoles 02 julio 2008 - 11:32:53


No 3º Encontro de participantes do Proxecto Pietic  fixemos referencia a un software chamado Phun. Trátase dun simulador en dúas dimensións que traballa sobre principios da física tales como densidade, gravidade, fricción…
Con Phun podemos debuxar diversos obxectos con forma aleatoria ou ben círculos e paralelogramos. Ademais podemos combinar eses debuxos para elaborar unidades máis complexas. Despois poderemos activar a simulación para ver como actúan as diferentes opcións sobre o noso debuxo.
Para traballar con el está dispoñible na parte de
recursos un titorial de uso que servirá para atopar utilidade ás opcións que ofrece o programa. A instalación tamén a atoparemos na parte de recursos.
Contactaremos cos creadores do proxecto para estudiar a posibilidade dun instalador en galego.
Proximamente iremos publicando algúns consellos e posibilidades para facer actividades cos alumnos e alumnas utilizando Phun Pietic. Podedes atopar na web oficial moitas
escenas elaboradas por aficionados ao software. Outra forma de facerse unha idea das posibilidades de Phun é ver algúns vídeos en youtube, como o seguinte.




Enviar mail a alguien modo impresión

Ir a la página       >>