Congreso Galego de Prevención de Riscos Psicosociais no ensino: Xestión de emocións e realidades
A profesora Mª Dolores Fernández Tilve, membro activo do Grupo de Investigación Stellae, así como Laura Malvar Méndez, Orientadora do IES de Poio, participaron como conferenciantes no “Congreso Galego de Prevención de Riscos Psicosociais no ensino: Xestión de emocións e realidades”, organizado por CSI-F Ensino e celebrado o 11 de outubro de 2014 no MUPEGA. O devandito congreso supuxo unha acción de sensibilización e divulgación dos riscos psicosociais do profesorado da educación pública de toda Galicia, tanto no ámbito da prevención como intervención. Sen dúbida, este espazo formativo significou unha ocasión para traballar aquelas competencias e estratexias necesarias para a xestión das emocións, do rendemento e a motivación. Na conferencia en cuestión se presentou un estudio avaliativo inédito realizado na Comunidade Autónoma Galega, centrado especificamente sobre as competencias saber ser/estar dos orientadores de secundaria do ensino público.
