As XXXIII Xornadas de Tecnoloxía Educativa desenvolveranse na Universidade de Santiago de Compostela os días 10, 11 e 12 de xuño de 2026 na Facultade de Ciencias da Educación, Campus Vida. Alí, fai dúas décadas, naceu a Rede Universitaria de Tecnoloxía Educativa (RUTE) co fin de institucionalizar a comunidade, ofrecer maiores posibilidades aos seus participantes e proxectar as súas actividades tanto en Europa como en Latinoamérica.
O espírito da xénese dese proceso volve renovado 20 anos despois baixo o título que dá nome a estas xornadas: Alfabetización Dixital Crítica para unha Convivencia Híbrida. Búscase así construír un espazo para reflexionar, compartir e tratar de dar resposta aos complexos interrogantes que formula a hibridez na sociedade contemporánea e no ámbito educativo en particular para o desenvolvemento dunha cidadanía dixital crítica.
Axenda estas datas para formar parte deste espazo de diálogo e reflexión en compañía de expertos/as, experiencias e investigacións que se están a desenvolver actualmente no campo da tecnoloxía educativa.
Esperámoste!
Atención ás nosas redes para non perderte nada!
