Membros do grupo de investigación Stellae, participaron no III Congreso Internacional de Orientación Universitaria (CIOU23), co lema “Calibrando brújulas ante la incerteza” (https://blogues.uned.es/fundacionuned/ciou2023/), celebrado na Sede Central da UNED en Madrid, do 6 ao 8 de setembro de 2023.
O Simposio levou por título: “Un modelo europeo para o desenvolvemento de competencias de xestión da carreira”.
Entendemos que a orientación ao longo da vida conleva o desenvolvemento e a actualización das competencias de xestión da carreira (Career Management Skills -CMS-). A partir da análise de propostas de CMS a nivel internacional e da consulta a profesionais da orientación, o Proxecto Erasmus+ Careers Around me, deseña un modelo de CMS que facilite a construción de traxectorias educativas, formativas e laborais en diferentes contextos e a efectividade das intervencións orientadoras. Neste simposio presentouse devandito modelo e as accións piloto realizadas con estudantes universitarios.
