Prácenos anunciar o VII Obradoiro Internacional de Análise do Discurso de Santiago de Compostela (IWoDA’25), co tema “Aprendizaxe de Linguas en Contornos Dixitais”, que se celebrará na Facultade de Filoloxía da Universidade de Santiago de Compostela os días 9 e 10 de maio de 2025. As sesións do obradoiro desenvolveranse de maneira presencial, e a asistencia é de balde, previa inscrición antes do 7 de maio a través do código QR dispoñible no cartel, no programa e na xanela de inscrición da páxina web do evento. Ademais das conferencias convidadas e das mesas redondas (algunhas en inglés e outras en español), o venres 9 de maio, de 16:00 a 18:30, celebrarase unha mesa redonda seguida dunha sesión práctica para presentar dúas ferramentas destinadas á aprendizaxe e ao ensino da fonética e da pronunciación do inglés, tanto a nivel universitario como na educación secundaria e primaria: e-SoundWay (English Pronunciation Sounds on the Way of St James, galardoada cun Premio de Innovación Docente pola Facultade de Filoloxía da USC en 2025) e e-ProFun (English Pronunciation is Fun). Terás a oportunidade de probar e experimentar con e-ProFun. Agardamos verte en IWoDA’25.
Para máis información, por favor, consulta as ligazóns que figuran a continuación: https://iwoda.es/.
