Varios membros do grupo Stellae participaron a semana pasada nas XXIX Xornadas Universitarias de Tecnoloxía Educativa que tiveron lugar na Universidade de Valencia e que foron organizadas pola Rede Universitaria de Tecnoloxía Educativa.

Nestas xornadas presentáronse varios traballos que abordaban os primeiros resultados do proxecto EDIGA [Contornas Dixitais e Identidades de Xénero en Adolescencia], entre outras comunicacións que os membros do grupo expuxeron durante o 16 e 17 de Xuño.

Así, a continuación, sinalamos algúns dos traballos que serán publicados nas actas:

• Selfies na adolescencia: o seu uso desde un estudo piloto (Fernando Fraga-Varela, Esther Vila-Couñago, Ana Rodríguez-Groba; Universidade de Santiago de Compostela).
• Máis aló de Instagram e TikTok, que outras plataformas habitan os adolescentes contemporáneos? (Ana Rodríguez Groba, Ángela González Villa, Esther Vila Couñago; Universidade de Santiago de Compostela).
• No backestage da exposición adolescente en clips de vídeo: prácticas de si e redes sociais (Ángela González-Villa; Universidade de Santiago de Compostela).
• O proxecto competencia- dixital: novas linguaxes desde a escola para a escola (Almudena Alonso Ferreiro, Universidade de Vigo; Miguel Gesteiro, ROBOteach).
• A subxectividade de xénero no consumo e produción mediática de mozas de Galicia (Uxía Regueira, Universidade de Santiago de Compostela; Almudena Alonso-Ferreiro, Universidade de Vigo).
• Construción dun modelo comprensivo da participación mediada por tecnoloxías dixitais (Uxía Regueira, Universidade de Santiago de Compostela; Iván Jorrín-Abellán, Kennesaw State University; Adriana Gewerc, Universidade de Santiago de Compostela).