Do 14 ao 17 de xuño tivo lugar o XX Congreso Internacional de Investigación Educativa na Facultade de Ciencias da Educación da Universidade de Santiago. Este congreso organizado por AIDIPE - Asociación Interuniversitaria de Investigación Pedagóxica-, tiña como eixo principal era a Educación Inclusiva e Equitativa de Calidade. Nel participaron varios membros de Stellae presentando dúas comunicacións cos resultados do proxecto EDIGA [Contornas Dixitais e Identidades de Xénero en Adolescencia].
Estes traballos foron presentados por dúas das nosas compañeiras: Esther Martínez-Piñeiro e Esther Vila Couñago.
Expuxéronse as seguintes comunicacións que poderán consultarse no libro de actas:
- PERSPECTIVA DE XÉNERO E XOGOS SERIOS EN EDUCACIÓN PRIMARIA: UN ESTUDO APLICADO NA FLUIDEZ MATEMÁTICA (Fernando Fraga-Varela, Esther Vila-Couñago, Esther Martínez-Piñeiro, Ana Rodríguez-Groba)
- XÉNERO E SELFIES: RESULTADOS DUN ESTUDO PILOTO (Esther Martínez-Piñeiro, Esther Vila-Couñago, Ana Rodríguez-Groba, Fernando Fraga-Varela)