Uxía Regueira e Ángela González-Villa, doutorandas do Grupo de Investigación Stellae, asistiron á Conferencia Europea de Investigación Educativa (ECER) organizado pola EERA (European Educational Research Association) celebrado entre os días 22 e 25 de agosto, en Yereván (Armenia).
O congreso comezou o 22 e 23 de agosto coa Conferencia de Investigadores Emerxentes (ECR) onde as/os investigadores/as máis mozos presentan as súas teses doutorais, reflexionan sobre as prácticas actuais en investigación educativa e coñecen as tendencias neste ámbito a nivel internacional. Neste espazo, ambas as doutorandas presentaron xunto coa súa directora comunicacións derivadas das súas teses doutorais:
- Uxía Regueira e Adriana Gewerc: Process of learning to participate in virtual environments and gender identity. A case study of young people in Galicia
- Ángela González Villa e Adriana Gewerc: Disclosure on Social Networks and Subjectivity in Adolescence: a Systematic Literature Review
Xunto con outras integrantes do Grupo de Investigación Stellae participaron na Conferencia Europea de Investigación Educativa, desenvolvida do 23 ao 25 de agosto, con comunicacións derivadas de os primeiros avances no proxecto de investigación EDIGA (Contornas Dixitais e Identidades de Xénero na Adolescencia). As comunicacións foron presentadas na rede Xénero e Educación abordando a construción do instrumento de investigación e o estado da cuestión:
- Uxía Regueira, Adriana Gewerc, Esther Martinez-Piñeiro e Esther Vila-Couñago: Gender identity in adolescence and practices in digital environments: Design and validation of a questionnaire
- Ángela González Villa, Uxía Regueira e Adriana Gewerc: Subjects, Digital Artefacts and Gender Identity: a Systematic Literature Review