Please enable JS
  • slider21.jpg

A Universidade de Santiago de Chile e coa colaboración do Núcleo de Investigación en Publicacións Didácticas da Universidade Federal do Paraná, Brasil, teñen o pracer de convidarnos entre os días 30, 31 de agosto e 1 de setembro de 2023 a Santiago de Chile, para participar na Conferencia Latinoamericana IARTEM - USACH CHILE, que versa dobre sobre investigación de libros de texto e medios educativos. Dentro da organización  deste evento, así como da Asociación Internacional para a Investigación en Libros de Texto e Medios Educativos (IARTEM)  atópase Jesús Ródríguez Rodríguez, membro deste grupo de investigación. 

Unhas xornadas que levan por título: “Materiais didácticos e políticas públicas que contribúen á equidade, á inclusión e á innovación educativa na escola e na universidade” e que se celebrará en formato híbrido.

Formación do profesorado e desenvolvemento profesional; diversidade, equidade e inclusión educativa; alfabetización dixital; políticas educativas; enfoques educativos e tendencias metodolóxicas ou libros de texto e materiais educativos no contexto da educación científica e as matemáticas escolares,  son os núcleos temáticos que se desenvolverán neste congreso no que participan investigadores, académicos, estudantes e mesmo profesorado de primaria e secundaria

Ligazón á páxina oficial da conferencia:

https://iartemsantiago2023.cl/