A Red Universitaria de Tecnología Educativa (RUTE), na súa VIII edición dos premios á mellor tese de doutoramento, outorgoulle o terceiro lugar a Antía Cores Torres, membro do Grupo de Investigación Stellae. A entrega de premios tivo lugar en Cáceres o pasado venres 28 de xuño coincidindo coa clausura das XXXI Jornadas Internacionales Universitarias de Tecnología Educativa.

A tese de doutoramento que leva por título “Os materiais didácticos musicais en Educación Primaria. Un estudo sobre a percepción dos docentes especialistas en Educación Musical en Galicia” foi dirixida por Jesús Rodríguez Rodríguez e presentada o 24 de abril de 2023 cunha cualificación “sobresaínte cum laude”.

Pode consultar máis información así como as teses de doutoramento das tres persoas premiadas na seguinte ligazón: https://redrute.es/premio-mejor-tesis-doctoral/