Entre os días 12 e 14 novembro 2024, a profesora e investigadora Rebeca García Murias, acudiu en categoría de Membro e Corresponsal Nacional da IAEVG (The International Association for Educational and Vocational Guidance), ao Congreso Internacional celebrado na Universidade de Jyväskylä (Finlandia), participando na "IAEVG International Conference 2024 – Riding the Wave of Change". A conferencia foi organizada polo Instituto Finlandés de Investigación Educativa da Universidade de Jyväskylä, xunto co Ministerio finlandés de Educación e Cultura e o Ministerio de Asuntos Económicos e Emprego de Finlandia.

Esta conferencia celébrase como un dos encontros máis completos e dinámicos no campo da Orientación Educativa e Profesional e reúne cada ano, a nivel nacional e internacional, a investigadores, responsables políticos e profesionais coa finalidade de iniciar un diálogo significativo arredor destas cuestións.

Para máis información non dubidedes en consultar na súa páxina web: https://peda.net/iaevgconference2024