Please enable JS
  • slider21.jpg

Esta semana comezou o seminario impartido polo  Dr. Óscar  L.  Graizer (Universidade Nacional de Xeneral Sarmiento e Universidade Nacional de  Luján -Arxentina-) titulado  "A INCIDENCIA DA ESTRATEXIA METODOLÓXICA NA CONSTRUCIÓN DO OBXECTO DE ESTUDO EN INVESTIGACIÓN EDUCATIVA" cuxa organización levouse a cabo desde o Grupo de Investigación  Stellae pero no que a participación se estendeu a outros membros da comunidade educativa.
O primeiro dos seminarios analizou as relacións que se establecen entre teoría e estratexias metodolóxicas na construción do obxecto de estudo,  profundando na centralidade que posúe a metodoloxía na delimitación dos problemas de investigación.  Abordouse a relación entre a teoría e a práctica, compartindo e debatendo sobre os distintos eixos de investigación de cada un dos participantes.
O próximo seminario abordará  a incidencia das categorías teóricas e as estratexias metodolóxicas na construción do obxecto de estudo.
O seminario permite afondar sobre os fenómenos do campo da educación, que se  ensamblan en redes de relacións entre discursos, dispositivos institucionais, formas tecnolóxicas e relacións sociais que se inscriben en procesos macro sociais, pero que se “realizan” en prácticas que suceden en complexos entre relacións a nivel micro e macro social.  

   cursooscar3 min