Membros do Grupo Stellae están participando nun Proxecto de Investigación de E-Learning no marco dun Convenio Bilateral entre a USC e a UERGS (Universidade Estadual do Rio Grande do Sul).
O devandito proxecto, no que participan varias Universidades Iberoamericanas, ten como obxectivo xeral desenvolver un estudo comparativo sobre as estratexias de implementación de E-Learning en universidades tradicionalmente presenciais. Así mesmo, con esta investigación pretendese coñecer as características dos procesos de ensinar e aprender mediante a modalidade e-learning (usos das TIC, formación en TIC, competencias adquiridas a través da aula virtual, accesibilidade a entornos de ensino virtuais, necesidades formativas e institucionais que se derivan da docencia virtual, etc.), así como estimular a creación de grupos de apoio e o intercambio de experiencias entre diferentes universidades para, en definitiva, dar resposta aos retos da sociedade do coñecemento e ás necesidades derivadas do proceso de converxencia ao EEES.
Entre os membros Stellae participantes no estudo atópanse os profesores Mª Dolores Fernández Tilve (coordinadora local do proxecto) e Quintín Álvarez Núñez.
