Os días 21 e 22 de setembro desenvolveuse un encontro de profesorado universitario en homenaxe ao Profesor Antonio Bolívar na Facultade de Ciencias da Educación da Universidade de Granada ao que asistiron Lourdes Montero e Fernando Fraga desde o Grupo de Investigación Stellae en compañía dos membros de Grupo SEPA José Antonio Caride e Felipe Trillo. En formato de xornadas, debateuse arredor do que supuxeron as achegas do profesor Bolívar ao campo educativo ao longo de toda a súa traxectoria universitaria. No encontro presentouse un libro homenaxe titulado Compromiso coa mellora educativa. Homenaxe ao Profesor Antonio Bolívar. Lourdes Montero participou cun capítulo que leva por título "Identidade e Desenvolvemento Profesional, dous procesos entrelazados". Fernando Fraga xunto con Felipe Trillo tamén participaron cun capítulo titulado "Efectos indeseados da LOMLOE: das razoables competencias formativas xerais ao disparate dunha taxonomía de condutas operativas específicas".